PARABÉNS PAULA!!

 Hoxe, na clase de 4 e 5 estamos de celebración, agora todos os maiores xa temos 5 anos!!

PARABÉNS PAULA!!

POSTAIS DE NADAL!

As nenas e os nenos de Infantil, xunto coa colaboración das súas familias, realizaron unhas fermosísimas postais de Nadal para enviarlle á Asociación contra o Cancro, e así mandar unha chea de agarimos aos que máis o precisan! 

Moitas grazas familias pola vosa participación!

3 DE DECEMBRO

Hoxe, 3 de decembro, é o Día Internacional das Persoas con Discapacidade, polo que todo o cole estivemos a profudizar sobre que é a discapacidade e como todos somos capaces e bos en algún aspecto da nosa vida, e como hai outras cousas que nos son un pouco complicadas e nos costan máis... 

Por eso, entre todos os nenos e nenas de cada clase de infantil fixemos un dominó, onde puxemos os nosos puntos fortes e débiles... e vimos quen nos pode botar unha man e a quen podemos axudar nós, facendo un súper equipo!!

PASEAMOS POLO PARQUE GÜELL

 

Na clase de 4 e 5 anos seguimos cos inventos, onte estivemos investigando sobre un que nos chamou moito a atención: as gafas de relidade virtual, grazas a elas tivemos a oportunidade de pasear por o Parque Güell de Barcelona e mirar con detalle o dragón de Gaudí sobre o que estivemos traballando neste trimestre.

REMATAMOS O PROXECO DOS TRANSPORTES!

 

A semana pasada a aula de 3 e 4 rematamos co proxecto dos transportes!! Ademais do que se ve nas fotos, tamén estivemos aprendendo sobre os diferentes tipos de sinais, xa as temos todas claras! 

Asi pois, damos paso a unha das nosas épocas favoritas: o Nadal!!

XOGAMOS COA MESA DE LUZ!

  A infantil chegou un novo recurso que nos ten fascinados: a mesa de luz! Non nos puidemos resistir e comezamos xa a usala aproveitando para traballar as letras que estamos aprendendo (i e u minúscula os de 4 e A, E, O e U maiúscula os de 3)!

25 N

Hoxe, no cole, conmemoramos o 25 N, nas clases de infantil vimos e reflexionamos sobre os contos: "Arturo y Clementina" e "Tejona y Tejón". Despois,  sobre unha peza de puzle, escrimos palabras que acordamos entre todos: querernos ben, axudar, mimo, bico, abrazo e amor.

Pola tarde xuntámonos co resto de clases do cole para unir as pezas do noso puzzle e escoitar as palabras que nos leron dúas compañeiras de sexto de primaria.