No cole de Castrelo somos moi entroideiros, despois do desfile do xoves en Verín, o venres repetimos polas rúas de Castrelo xunto coa casa niño de Pepín e acompañados coa música de Candaira. Despois do desfile, os nenos do cole de Castrelo e os pequechos da Casa Niño comemos e xogamos no parque do Terrón, foi unha xornada divertida e seguro que repetiremos máis actividades xuntos. Moitísimas grazas ao Concello de Castrelo, a Ramón e ás mulleres de Candaira por acompañarnos.
E mañá repetimos por Castrelo!! VIVA O ENTROIDO!!
Hoxe rematamos as mandas de Amanda así de guap@s!
Recordade que mañá desfilaremos por Verín e tamén iremos moi moi guap@s!!
Hoxe seguimos sumando: aos pés entroideiros de onte sumámoslle o tronco e así de entroideiros viñemos @s nen@s de infantil!
E seguindo as mandas de Amanda, que moito manda, hoxe viñemos con algo entroideiro nos pés
Mirade que guap@s!!
Hoxe celebramos o xoves de compadres! As nenas pintaron os compadres e os nenos sairon detrás delas para romperllos. E como o vindeiro xoves imos de desfile tamén sacamos xa a correr ás comadres que pintaron os nenos para que as nenas llas romperan. Foi unha tarde de carreiras moi divertida na que comezamos a vivir o entroido!!
