CONCERTAZO DE PAKOLAS!!

 

Para comezar a ponte como se merece, hoxe no noso cole tivemos un súper concerto a cargo de Pakolas!! Regalazo da nosa ANPA para todo o cole, GRAZAS!! Pasámolo xenial!!

VISÍTANNOS 3 AMBULANCIAS!!

Para comezar o día de hoxe, tivemos unha visita moi especial! O papá de Enzo López, Óscar, e dous dos seus compañeiros trouxeron tres ambulancias ao cole!!

Os que quixemos, puidemos subir nas ambulancias e ver como son por dentro, poñer os chalecos e cascos, facer soar a sirena, medir o noso nivel de osíxeno en sangue, escoitar o corazón, ver as diferencias entre as ambulancias e aprender para que serve cada unha... e un montón de cousas máis!!

Moitísimas grazas aos 3 por esta oportunidade!! Aprendemos un montón!!

APICULTORES POR UN DÍA!!

 

Hoxe os nenos e nenas de infantil tivemos a sorte de poder contar con Vicente, o papá de Vera, que nos explicou en que consiste o traballo dun apicultor e un montón de curiosidades sobre as abellas. Así completamos as nosas aprendizaxes sobre as profesións e os animais que estamos traballando en cada clase.

Ademáis de ensinarnos un montón de cousas, puidemos achegarnos un pouco ao traballo dos apicultores: probamos a xelea real, o pole e o mel, quitamos a cera do panal, centrifugamos para que saira o mel, fixemos velas coa cera das abellas, coamos o mel e metémolo en pequenos botes que levamos para que proben na casa.

Foi unha experiencia inesquecible para todos nós! Moitas grazas Vicente pola túa paciencia e agarimo!!

DÍA DO LIBRO!

 Menuda tarde pasamos hoxe máis divertida!! 

Para celebrar o Día do Libro, no cole de Castrelo decidimos facer un apadriñamento lector entre os máis maiores do cole e os máis peques, e para facelo máis divertido, fixémolo tipo picnic e puidemos traer coxíns, toallas e mantas da casa!!

Cada alumno/a de 5º e 6º de Primaria leulles contos durante a última hora a un grupiño de 3-4 peques, estiveron súper antentos e pasáronno xenial!!

PARABÉNS ARIA!!

Hoxe na clase de 4 e 5 anos ferstexamos que Aria cumpriu xa 6 aniños! PARABÉNS ARIA!!

COMEZAMOS CO PROXECTO DAS PROFESIÓNS!

 Na clase de 3 e 4 anos estamos súper emocionados/as co novo proxecto! Comezámolo a primeira semana centrándonos nos/nas deportistas, e esta semana tocaron os bombeiros/as!! Aquí tedes un pequeno resumo:

PARABÉNS ANA!!

 Na clase de 3 e 4 anos hoxe celebramos os 5 anos de Ana, que nos trouxo unha riquísima tarta de unicornio!! Moitos parabéns!!

PLANTAMOS 50 CARBALLOS!

No día de hoxe tivemos unha actividade moi especial! Viñeron a vernos as integrantes do CDR Portas Abertas para reflexionar con nós sobre as causas e consecuencias dos incendios.

Estivéronnos explicando por que se causan e como se poderían evitar, e unha das conclusións ás que chegamos é replantar con árbore autóctono... así que puxémonos mans á obra!! 

Todo o centro acercámonos á zona das piscinas do noso concello para, entre todos/as, plantar nada máis e nada menos que 50 carballos!!

Ademais, despois de merendar e coller forzas, fixeron un experimento para explicarnos como filtra e limpa a auga a terra dependendo de si está queimada ou non... Como aprendemos e que ben o pasamos!!

PARABÉNS XOEL!!

 

Hoxe Xoel quixo festexar con nós que durante as vacaciones cumpriu xa 6 aniños!! PARABÉNS XOEL!!

VISÍTANNOS DOUS XOGADORES DE HOCKEY

 Para voltar á rutina con ganas, tivemos unha sorpresa! Dous xogadores de hockey, Alberto do "Hockey Club Verín" e Yaseen do "Cidade de Ourense" viñeron ao cole a visitarnos e explicáronnos as peculiaridades deste deporte! 

Moitas grazas!!