VISITAMOS ITALIA E EXIPTO

As dúas derradeiras semanas as nenas e os nenos de 6º de Infantil estivemos a aprender moitísimo sobre Italia e Exipto, aquí vos deixamos un resumo! 

CELEBRAMOS SAMAÍN NO COLE!

 Hoxe os pequen@s de Castrelo pasamos un día terrorifícamente divertido!

Chegamos ao cole así de guapos para festexar o Samaín-Halloween

Nada máis chegar, puxémonos mans á obra para preparar a nosa merenda : unhas ollopizzas do máis saborosas...

Non perdemos o tempo e mentres as pizzas quedaron no forno, fomos á farmacia, a por as chuches,  na que xa se convertiu nunha visita habitual todos os Samaíns... Moitas grazas Amalia e compañía ...

Despois do recreo, os profes prepararon uns talleres de Halloween-Samaín por todas as aulas do cole, repartímonos en grupos, misturados cos compañeiros de todas as idades e xuntos fomos percorrendo cada unha das actividades. Foi moi divertido!!!

Chegou a hora de xantar e despois dunha semana de moitas dudas, por fin conseguimos a nosa comida terrorífica tamén no comedor. Grazas Jose e Sole por cociñarnos tan ben.

 

E como fin de festa, xuntámonos todos no patio para ver un vídeo feito polos nosos compañeiros de segundo de primaria e cantar a canción de inglés que preparamos coa teacher Bea. Que día máis intenso!!

TRABALLOS HALLOWEEN-SAMAÍN

Nas clases de infantil levamos toda a semana traballando  sobre o Samaín- Halloween. Mirade como nos divertimos!

MANUALIDADES TERRORÍFICAS DE SAMAÍN

Dende a biblioteca de centro, este ano, tivemos a proposta terrorífica de ilustrar nun bote un conto relacionado co Samaín... como se esmeraron as nenas e nenos de infantil e as súas familias! Botade un ollo a estes contos tan medorentos!! Moitas grazas familias por toda a axuda!

O NOSO DÍA A DÍA

Na clase de  3 e 4 anos custounos moito afacernos uns a outros, somos un grupo numeroso, hai que saber esperar, agardar turnos, seguir as rutinas  e cumprir todas as esixencias da profe... aínda queda moito camiño pero pouco a pouco imólo conseguindo. A partir de agora será todo moito máis fácil...

BINGO SOBRE O CAMIÑO DE SANTIAGO!

Coa celebración da carreira/andaina "A Media do Camiño" que se levará a cabo este domingo, o cole de Castrelo tivo a oportunidade de xuntarse coas nenas e nenos do cole de Medeiros, e así, xuntos, e en colaboración coa organización da carreira, puidemos aprender un montón sobre o Camiño de Santiago.

Por equipos, mesturados dende Infantil ata Primaria dos dous centros, o alumnado tivo que buscar a información correspondente ás preguntas formuladas na súa tarxeta do bingo para despois, xogar todos xuntos/as. Os equipos afortunados de ter liña e bingo tiveron un agasallo delicioso!! 

Ademais, dende as aulas, puidemos decorar diversas frechas amarelas que simulan as do Camiño, que serán utilizadas na carreira para sinalizar ás persoas participantes as sendas que deben seguir e non perderse de camiño á meta!

Pasamos un día estupendo!

VISITAMOS REINO UNIDO E FRANCIA!

 

Na aula de 5 anos do cole de Castrelo estamos comezando a nosa viaxe ao redor do mundo que nos está encantando!! Estas dúas últimas estivemos en Reino Unido e en Francia, mirade canto aprendemos!!