Chegamos ao cole así de guapos para festexar o Samaín-Halloween
Nada máis chegar, puxémonos mans á obra para preparar a nosa merenda : unhas ollopizzas do máis saborosas...
Neste blogue queremos compartir algunhas das moitas aventuras e experiencias que vivimos cada día os máis pequenos, os nenos e nenas de infantil do CEIP Plurilingüe Raúl Fernández, de Castrelo do Val na provincia de Ourense
Chegamos ao cole así de guapos para festexar o Samaín-Halloween
Nada máis chegar, puxémonos mans á obra para preparar a nosa merenda : unhas ollopizzas do máis saborosas...
Dende a biblioteca de centro, este ano, tivemos a proposta terrorífica de ilustrar nun bote un conto relacionado co Samaín... como se esmeraron as nenas e nenos de infantil e as súas familias! Botade un ollo a estes contos tan medorentos!! Moitas grazas familias por toda a axuda!
Na clase de 3 e 4 anos custounos moito afacernos uns a outros, somos un grupo numeroso, hai que saber esperar, agardar turnos, seguir as rutinas e cumprir todas as esixencias da profe... aínda queda moito camiño pero pouco a pouco imólo conseguindo. A partir de agora será todo moito máis fácil...
Coa celebración da carreira/andaina "A Media do Camiño" que se levará a cabo este domingo, o cole de Castrelo tivo a oportunidade de xuntarse coas nenas e nenos do cole de Medeiros, e así, xuntos, e en colaboración coa organización da carreira, puidemos aprender un montón sobre o Camiño de Santiago.
Por equipos, mesturados dende Infantil ata Primaria dos dous centros, o alumnado tivo que buscar a información correspondente ás preguntas formuladas na súa tarxeta do bingo para despois, xogar todos xuntos/as. Os equipos afortunados de ter liña e bingo tiveron un agasallo delicioso!!
Ademais, dende as aulas, puidemos decorar diversas frechas amarelas que simulan as do Camiño, que serán utilizadas na carreira para sinalizar ás persoas participantes as sendas que deben seguir e non perderse de camiño á meta!
Pasamos un día estupendo!
Na aula de 5 anos do cole de Castrelo estamos comezando a nosa viaxe ao redor do mundo que nos está encantando!! Estas dúas últimas estivemos en Reino Unido e en Francia, mirade canto aprendemos!!
Na clase de 3 e 4 anos somos moitos e moi rebuldeiros pero despois de traballar, xogar, comer , rir e a veces, tamén chorar, chega o momento de descansar...
Custounos moito chegar a relaxarnos na clase, pero conseguímolo. Relaxámonos tanto que os de 3 anos incluso dormen e os de 4 aprenderon a traballar e a xogar en silencio e moi tranquiliños para non molestalos...
Hoxe Lara celebrou con nós que xa ten 5 anos!! E tróuxonos un biscoito de chocolate para celebralo. Moitos parabéns Lara!!
Na aula de 5 anos tivemos unha sorpresa!
Unha maleta dun señor chamado Julio Verne apareceu misteriosamente na nosa aula... Dentro, había unha peza dun puzle, un libro e unha carta. Nesta última, Julio contábanos que escribiu un libro titulado: A volta ao mundo en 80 días! no cal, o seu protagonista, Phileas Fogg recorría o mundo... pero hai un problema: Julio está moi maior e non recorda os países!!
Na maleta, so nos mandou o seu libro e primeira peza do mapa que recorreou... Se logramos aprender moito de cada país que visitou Phileas (un por semana), iranos mandando as pezas que faltan, e así, completar o puzle entre todos!! Poderemos conseguilo?? Precisamos toda a axuda posible!!
Ademais, nestas dúas semanas, tamén estivemos a mergullarnos no outono e seguimos cos obradoiros semanais... non paramos!!