VISITAMOS A FURGOTECA!

 

Hoxe no cole de Castrelo tivemos a oportunidade de visitar a furgoteca! Chea de contos, revistas e periódicos súper chulos, pasámolo en grande!

DÍA DO LIBRO!

 Menuda tarde pasamos hoxe máis divertida!! 

Para celebrar o Día do Libro, no cole de Castrelo decidimos facer un apadriñamento lector entre os máis maiores do cole e os máis peques, e para facelo máis divertido, fixémolo tipo picnic e puidemos traer coxíns, toallas e mantas da casa!!

Cada alumno/a de 5º e 6º de Primaria leulles contos durante a última hora a un grupiño de 3-4 peques, estiveron súper antentos e pasáronno xenial!!

RECIBIMOS AGASALLOS!!

 

Os nenos e as nenas do cole de Castrelo debémonos portar moi moi ben o ano pasado que, cando chegamos ao cole, tíñamos unha súper sorpresa: unha chea de agasallos que nos deixaran Papá Noel e os Reis Magos! 

Como desfrutamos abrindo todos os agasallos e xogando con eles!!

RECEITA DE NADAL!

 

Este Nadal as nenas e os nenos de Castrelo estivemos facendo unha nova receita en equipo: un arboliño moi moi rico! Como o desfrutamos! 

POSTAIS DE NADAL!

As nenas e os nenos de Infantil, xunto coa colaboración das súas familias, realizaron unhas fermosísimas postais de Nadal para enviarlle á Asociación contra o Cancro, e así mandar unha chea de agarimos aos que máis o precisan! 

Moitas grazas familias pola vosa participación!

Visítanos un camión de bombeiros!

 

Hoxe o alumnado de infantil tivemos unha charla súper interesante!! Os bombeiros viñeron a explicarnos como fan para apagar os lumes e puidemos experimentar como é o seu traballo moi de cerca!! Grazas familias por esta oportunidade!! Encantounos!!

CONTACONTOS CON UXÍA MORÁN!

 

Hoxe o alumnado de infantil do cole de Castrelo tivemos a sorte de contar con Uxía Morán: unha contacontos que nos viu teatralizar dous contos centrados na igualdade (Guapa e Maruxa)!!

Que risas botamos!!

 

 

Esta actividade está financiada a través das axudas concedidas á ANPA do noso centro pola Xunta de Galicia e o Ministerio de Igualdade, cos fondos finalistas do Pacto de Estado contra a Violencia de Xénero. 

Primeira semana do proxecto dos transportes!

 

Na aula de 3 e 4 anos estamos moi ilusionados/as co novo proxecto: os medios de transporte! O alumnado esta semana estivo compartindo cos seus compañeiros/as os seus transportes favoritos e aproveitamos para traballar un montón de contidos: mates, lectoescritura, arte... rematamos a semana cunha sorpresa moi especial, atentos/as á seguinte publicación do blog!!

FACEMOS PANTASMAS!

 

O venres fomos á farmacia e entre onte e hoxe os nenos e nenas de infantil estivemos facendo unhas pantasmas terroríficas con gasas... para que as usaremos??

SAÍDA Á FARMACIA!

 

 

Hoxe os nenos e nenas de infantil fomos facer unha pequena excursión á farmacia de Castrelo... Que andaremos a argallar?? Pronto o saberedes...

 

 

OUTONO NO COLE!

 

As nenas e os nenos de 3 e 4 anos levamos máis dun mes traballando ao redor do outono! Esta estación está chea de posibilidades e estivemos a aprender moitísimo! Este é un pequeno resumo... porque agora toca meternos de cheo no Samaín!!

 

 

PARABÉNS LARA!!

 

Hoxe Lara cumpliu 4 anos!! 

Celebrámolo todos xuntos cun biscoito moi moi rico! 

Moitisimas felicidades e moitas grazas polo biscoito!!

SESIÓN DE XOGOS DE MESA!

 

 As pequenas e os pequenos de Castrelo hoxe tivemos unha sesión de xogos xigantes e de mesa! 

Grazas á colaboración da ANPA e de Coeducontando pasamos unha mañá moi divertida, chea de xogos e diversión, moitas grazas!!

 

 Esta actividade está financiada a través das axudas concedidas á ANPA do noso centro pola Xunta de Galicia e o Ministerio de Igualdade, cos fondos finalistas do Pacto de Estado contra a Violencia de Xénero.

IMOS DE VENDIMA!

 

Menuda aventura tivemos hoxe!! As nenas e os nenos de Infantil tivemos a oportunidade de ir vendimar moi preto do cole,  coa Bodega Manuel Vázquez Losada da D.O. de Monterrei! Recollemos un montón de racimos entre todos, 3 caixas!! 

Xa de volta no cole, puidemos probalas para merendar e aproveitamos para traballar conceptos matemáticos como o conteo ou as decenas. 

Moitas grazas pola vosa axuda Cecilia e Bodega Manuel Vázquez Losada!

ESPECTÁCULO DE MAXIA!

 

No día de hoxe, e grazas á ANPA do centro, tivemos un espectáculo de maxia incríble! 

Primeiro o grupo de infantil e 1º e 2º de Primaria e, despois, de 3º a 6º, puidemos disfrutar dun ratiño de maxia da man de Coeducontando, onde o noso mago e a nosa maga nos ían facendo trucos de maxia asombrosos ao tempo que nos explicaban acerca das magas e magos máis famosos ao longo dos séculos.

Encantounos!! Moitas grazas!!

Esta actividade está financiada a través das axudas concedidas á nosa ANPA pola Xunta de Galicia e o Ministerio de Igualdade, cos fondos finalistas do Pacto de Estado contra a Violencia de Xénero.

Contacontos con Sabela Gago

 Hoxe as nenas e os nenos de Infantil tamén tivemos a sorte de ter unha contactontos con nós! 

A marabillosa Sabela Gago compartiu a historia de un neno chamado Martín coa que non paramos de rir e cantar! Moitas grazas Sabela!!

Contacontos coa Furgoteca!

 Comezamos as actividades da semana das Letras Galegas cun contacontos da man da Furgoteca!

 O Bardo Abelardo estivo con todo o centro e coas Casas Nido do concello de Castrelo (As avelaíñas e Cuquiños) deleitándonos cun montón de contos e cantigas centrados no coidado da terra. 

Non paramos de cantar!! 

SAÍMOS DE EXCURSIÓN AO ECOAGRO!!

O día de onte as nenas e nenas de infantil estivemos preparando a horta do cole: sacando pedras, quitando as malas herbas,... e deixando todo listo para poder plantar!!

Así que hoxe xa puidemos ir, todo infantil e 1º de Primaria, de visita ao Ecoagro! Alí, Laura tivo moita paciencia e explicounos as froitas e verduras que podíamos plantar na nosa horta, e viñemos cargadiños!!

Despois do recreo xa nos puxemos mans á obra: a abonar e plantar!!

Teatro "Las tareas del hogar entre todas y todos"

 

Hoxe no cole tivemos outra sorpresa!! 

O alumnado de Infantil e ata 3º de Primaria desfrutamos, dende a fundación Abanca, da obra de teatro "Las tareas del hogar entre todas y todos", na que se facía fincapé na importancia de colaborar no día a día na casa, de forma moi divertida! Pasámolo xenial!

O alumnado de 4º, 5º, 6º tiveron un obradoiro de percursión!

DÍA MUNDIAL DO AUTISMO

 Hoxe conmemórase o día mundial do autismo e dende infantil sumámonos a iniciativa de adornar  o símbolo do infinito xa que é un dos símbolos que representa o autismo.

Ademais, vimos un conto para entender un pouco mellor a un dos nosos compañeiros e posteriormente fixemos un puzzle de corazón aportando cada un unha peza diferente, xa que todos somos iguais pero á vez diferentes e únicos!