LEITUGAS FRESQUIÑAS!!

Esta mañá os nenos de infantil fomos ben cediño á nosa horta para recoller as leitugas que comeremos hoxe no comedor. Estaban moi fresquiñas!! 

RECOLLEMOS NO HORTO!!

 

Hoxe recollemos as primeiras leitugas do noso horto!! Levámosllas ao noso cociñeiro para que mañá as podamos comer no comedor.

VISITAMOS O ECOAGRO

 

Esta mañá os nenos de infantil e primeiro de primaria visitamos o ECOAGRO para mercar as plantas que imos por na nosa horta. Aproveitamos para ver as diferentes plantas de horto, decorativas, aromáticas, de xardín... demos unha volta polos invernadoiros e estivemos moi atentos ás explicacións que nos daban Laura e Lucía, que coma sempre tiveron moita paciencia con nós. GRAZAS!!

Xa de volta no cole, plantamos as leitugas, cebolas, fresas e plantas aromáticas que trouxemos. Foi un día moi intenso...

SAÍMOS DE EXCURSIÓN AO ECOAGRO!!

O día de onte as nenas e nenas de infantil estivemos preparando a horta do cole: sacando pedras, quitando as malas herbas,... e deixando todo listo para poder plantar!!

Así que hoxe xa puidemos ir, todo infantil e 1º de Primaria, de visita ao Ecoagro! Alí, Laura tivo moita paciencia e explicounos as froitas e verduras que podíamos plantar na nosa horta, e viñemos cargadiños!!

Despois do recreo xa nos puxemos mans á obra: a abonar e plantar!!

RECOLLEMOS AS LEITUGAS!

Na clase de 3 e 4 anos gústanos moito andar no horto, a semana pasada recollemos algúns amorodos e regamos e onte recollemos as leitugas para comer hoxe no comedor. Estaban máis ricas que nunca!!

No HORTO!!

 

Esta semana fomos ao noso horto,regamos, quitamos as herbas malas e  xa puidemos recoller algúns amorodos e un par de leitugas que levamos directamente ao comedor. Fíxonos moita ilusión ver como medran as nosas plantiñas!!

NO HORTO

 

Como andamos moi atareados con mil cousas, tiñamos o horto un pouco descoidado, o otro día démonos conta de que as tomateiras que plantamos no EcoAgro xa tiñan tomates maduros, pero tiñamos que transplantalas porque xa medaran moito, as leitugas estaban enormes e xa había amorodos maduros, pero tivemos que arrincar as herbas malas... O venres pasamos un tempo moi divertido e traballoso no horto!

O HORTO MEDRA!!

Mirade que bonito vai o noso horto...xa comezan a brotar os primeiros froitos!!

O noso horto by Slidely Photo Gallery

COMO MEDRARON AS FABAS!!

Hoxe os nen@s de tres anos levamos as fabas que xerminamos na clase para transplantar na casa. Mirade como medraron...

AS NOSAS CABACIÑAS!!

Fai un par de semanas, durante a nosa vista a Ecoagro, cada un de nós sementou unha cabaciña....

...con toda a ilusión que puxemos e cos nosos coidados, hoxe....

Moi contentos, levamos unha plantiña para pór na casa, nos próximos días tamén poremos algunha cabaciña no noso horto..

HOXE PLANTAMOS NA HORTA!

Os nenos e nenas de infantil fomos os primeiros en ir regar os nosos amorodos! e aproveitamos para por unha plantiña aromática: a Melisa. Todos colaboramos e aprendemos un montón sobre a ela. Deixámosvos unhas fotiños para compartilo con vós!

HORTA INFANTIL