Na clase de 5 anos, levamos uns días traballando nunha manualidade para Halloween-Samaín, facíanos falta algodón para continuar o noso traballo e como xa somos moi maiores, fomos mercalo á farmacia. Trouxemos o paquete máis grande que había!!
Grazas Amalia e Chelo pola paciencia.
Esta mañá Ramón veu buscarnos á nosa clase para explicarnos un pouco o que nos atopariamos no museo, fomos moi ilusionados. Era a nosa primeira saída neste curso e como xa somos tan maiores tiñamos que ir ao museo! Cando chegamos impresionaronnos moito as pedras antigas, os utensilios, as ferramentas, o tear... e grazas ás explicacións de Ramón, puidemos coñecer o xeito de vida de fai moitos moitos anos por esta zona. Foi unha mañá moi proveitosa e de volta á clase a profe comprobou que estiveramos moi atentos, pois cada un de nós explicou unha cousa das que aprenderamos hoxe... e non repetimos ningunha!!
Moitísimas grazas Ramón polas túas explicacións e sobre todo pola paciencia e adicación.
Cando empezamos o curso, Mara xa recibira por primeira vez a visita do ratiño Pérez, que pronto!! Contounos todo con moita ilusión, tanta que todos esperamos a que chegue o día que nos veña visitar. Para ir preparando ese día, na clase fixemos con moito cariño os nosos ratiños gardadentes, para que cando chegue o momento lle poidamos deixar o noso dente ao ratiño Pérez. Que emoción!!
Hoxe, Pablo, o noso novo compañeiro, cumpriu 5 anos e invitounos a merendar !! GRAZAS Pablo e moitísmos PARABÉNS!!
@s nen@s da clase de 5 anos xa somos os maiores de infantil!! Este ano comezamos o noso último ano entre @s pequen@s de Castrelo e imos disfrutalo intensamente!!
De momento, comezamos o curso dando a benvida a dous compis novos: Pablo e Zeus. Aquí vos deixamos as imaxes do noso primeiro día !!
Empezamos o curso con festa!! Hoxe Brais cumpre 5 anos, xa é moi maior!! PARABÉNS BRAIS!!
