RENOVANDO O BOTIQUÍN!!

 

Os nenos da clase de 3 e 4 anos rematamos esta semana as unidades relacionadas coa saúde, por iso decidimos pechar estes temas cunha visita á farmacia para repor o material do botiquín do cole, fixemos unha pequena parada tamén no centro de saúde, xa que moitos non sabiamos que en Castrelo tamén hai centro de saúde. Moitísimas grazas Amalia, Chelo  e Vera por facilitarnos esta experiencia, pola paciencia, as explicacións e... os regaliños! 

FOMOS DE COMPRAS Ó LITO

Hoxe os nenos da clase de 5 anos fomos de compras á tenda do Lito. Tiñamos moitas ganas de ir dende a semana pasada pero sempre chovía... No conto da última unidade, Cora axudaba ao seu papá a facer un rico biscoito e nós que estivemos moi atentos, anotamos todos os ingredientes. Hoxe por fin puidemos ir facer a compra e na tenda do Lito tíñanos todos!  Moitas grazas Ceci pola paciencia e polas galletas!! 

VISITA AO MUSEO

Os nen@s da clase de 5 anos no caderno de Cora estamos traballando as cousas que hai na rúa e na nosa contorna. O outro día Cora visitou un museo, moitos de nós nunca visitaramos un museo e non sabiamos que en Castrelo, ao lado do cole, hai un museo!!

Esta mañá Ramón veu buscarnos á nosa clase para explicarnos un pouco o que nos atopariamos no museo, fomos moi ilusionados. Era a nosa primeira saída neste curso e como xa somos tan maiores tiñamos que ir ao museo! Cando chegamos impresionaronnos moito as pedras antigas, os utensilios, as ferramentas, o tear... e  grazas ás explicacións de Ramón, puidemos coñecer o xeito de vida de fai moitos moitos anos por esta zona. Foi unha mañá moi proveitosa e de volta á clase a profe comprobou que estiveramos moi atentos, pois cada un de nós explicou unha cousa das que aprenderamos hoxe... e non repetimos ningunha!!

Moitísimas grazas Ramón polas túas explicacións e sobre todo pola paciencia e adicación.

VISITA ECOAGRO

Hoxe os nenos do cole de Castrelo fixemos unha visita moi didáctica aos invernadoiros de Ecoagro. Aprendemos moitas cousas e tomamos moitas notas para comezar as vindeiras semanas co noso horto... Mirade que mañá máis interesante!!

visita ecoagro

Moitas grazas a toda a xente de Ecoagro por recibirnos un ano máis e en especial a Lucía pola súa paciencia e adicación.

DE COMPRAS NA FARMACIA...

Un curso máis, non podía faltar unha das nosas visitas preferidas e sobre todo agora que en Castrelo temos unha farmacia renovadísima.
Comezamos esta semana facendo a compra para repor cousiñas que nos faltaban no botiquín e coller varias caixas de vendas para facer unha manualidade..
A ver se adiviñades de que se trata??... Pronto veredes o resultado..

FARAMACIA (OUTUBRO 2017) by Slidely Photo Gallery

Moitas grazas ás farmacéuticas que nos recibiron cunha piruleta. Prometemos volver pronto...