BO NADAL!!

Os nen@s de infantil desexámosvos felices festas coas postais que fixemos coa axuda das nosas familias

C.E.I..P CASTRELO DO VAL CASTRELO DO VAL de Slidely by Slidely Slideshow

Moitas grazas unha vez máis a todas as familias de infantil por participar no intercambio de postais que organiza o centro. BO NADAL!!

BAILAR E PINTAR

Hoxe na clase de psicomotricidade traballamos a creatividade, a profe Patri púxonos música e tiñamos que que PINTAR E BAILAR... e vendo o resultado, somos uns artistas!! Mirade que ben o pasamos, moitas grazas profe Patri, tí si que eres unha super artista.

AS NOSAS PORTAS DE NADAL

Xa fai tempo que temos decoradas as nosas portas de nadal, pero como andamos moi apurados cos ensaios da función e coas manualidades, aínda non nos dera tempo a ensinárvolas
Agardamos que vos gusten moito


            AULA DE 3 ANOS

                                                       

         AULA DE 4 E 5 ANOS

XORNADA DE FESTA NO COLE !!

Onte foi un día moi especial e sobre todo moi diferente no cole.
Pola mañá fomos a Verín ao auditorio para disfrutar da xornada para escolares dentro do Festival Internacional de Curtas Vía XIV
http://ficviaxiv.com/
Para os máis pequenos foi ademáis a primeira saída do cole en autobús. Pasámolo moi ben e portamonos xenial!!

Xa pola tarde, no cole conmemoramos o Día Internacional das persoas con discapacidade, que se celebrou o día 3 de decembro e nós nas aulas xa o estabamos traballando durante toda a semana con actividades adaptadas aos diferntes niveis. 

En infantil traballamos este tema a través do conto de Elmer, o famoso elefante multicolor, en torno ao cal fixemos diferentes actividades, podedes ver o video clicando no seguinte enlace:

                                                             ELMER

Despois entre todos fixemos este mural, no que cada un de nós aportou o seu corazón, porque a maior discapacidade é non ter corazón, na nosa escola cabemos todos e todos temos un gran corazón.

DÍA INTERNACIONAL CONTRA A VOLENCIA DE XÉNERO.

Hoxe celébrase o "Día Internacional contra a Violencia de Xénero" e no noso cole,ademáis de traballalo nas aulas durante a mañá, pola tarde xuntámonos e  entre todos fixemos este mural.

MEDUSAS

Os nenos de 4 e 5 anos levan xa un tempo investigando e aprendendo cun proxecto sobre o mar.
Mirade que medusas máis bonitas fixeron con calcetíns

RECUNCHOS DE OUTONO

Levamos varias semanas traballando os froitos de outono nas duas aulas, probandoos ,vendo as características de cada, escribindo os seus nomes...
Temos un recuncho en cada clase adicado aos froitos de outono:

Moitas grazas a todas as familias pola súa colaboración.

CARACOIS DE OUTONO

Se o outro día os nenos de tres anos fixeron os ourizos de outono, hoxe os da clase de catro e cinco anos fixeron estes caracois, tamén cun froito de outono, esta vez con castañas.
Mirade que bonitos quedaron!!

OURIZOS DE OUTONO

Levamos un par de semanas probando os froitos secos, esta vez ademáis de probar as pipas, que nos encantaron, fixemos con elas uns ourizos.
Mirade que bonitos nos quedaron!!

IMOS DE MAGOSTO!!

Hoxe celebramos o magosto no campo do Terrón, para ver que ben o pasamos clicade na etiqueta MAGOSTO 2017 que aparece debaixo do vídeo

MAGOSTO 2017

CELEBRACIÓN SAMAÍN!!

Despois de varios días facendo manualidades, decorando as aulas e ambientando o cole, chegou o gran día...o día 31 de outubro celebramos o Samaín. Pola mañá baixamos ao túnel do terror a colocar as nosas pantasmas e aproveitamos para retaratárnos no photocall. Despois os alumn@s de 4 e 5 anos decoramos os manteis e preparamos as mesas para colocar as comidas que nos enviaron as familias. A primeira hora da tarde fomos á biblioteca, xunto co resto do cole, alí escoitamos as historias que nos tiñan preparadas os alumn@s de 5º e 6º e despois, mentres os nen@s de primaria baixaron ao túnel do terror, nós pasámolo xenial comendo e maquillandonos. Premendo na etiqueta celebración samaín 2017 podedes ver un pequeno resume do noso día de Samaín...

celebración samaín 2017

Moitísimas grazas as familias pola vosa colaboración!!

BRUXAS PORTACHUCHES!!

Os nen@s de infantil fixemos estas bruxas para meter as chuches de Samaín.
Quedáronnos terroríficamente preciosas!!

MANUALIDADES FAMILIAS SAMAÍN

No seguinte video podedes ver as manualidades e cabazas que fixeron on nen@s de infantil coas súas familias.
Para velo debedes premer na etiqueta samaín  definitivo que aparece debaixo do vídeo.
Moitas grazas a tódalas familias pola súa colaboración.

samain definitivo

PANTASMAS!!

Coas vendas e as gasas que mercamos na farmacia fixemos estas pantasmas terroríificas!!

Despois colgámolas no túnel do terror para asustar aos maiores...

DE COMPRAS NA FARMACIA...

Un curso máis, non podía faltar unha das nosas visitas preferidas e sobre todo agora que en Castrelo temos unha farmacia renovadísima.
Comezamos esta semana facendo a compra para repor cousiñas que nos faltaban no botiquín e coller varias caixas de vendas para facer unha manualidade..
A ver se adiviñades de que se trata??... Pronto veredes o resultado..

FARAMACIA (OUTUBRO 2017) by Slidely Photo Gallery

Moitas grazas ás farmacéuticas que nos recibiron cunha piruleta. Prometemos volver pronto...

ARAÑAS!!

A semana pasada pedímoslles aos nen@s de tres anos unhas medias negras para facer unha manualidade, disfrutamos moito recheándoas de guata... e  quedounos mooooi fea a terrorífica!!

Non vos asustedes se vides visitarnos pois as arañas xa lucen na porta da nosa clase...

ACHÉGASE O SAMAÍN!!!

Xa falta moi pouquiño para o Samaín ou Halloween e nós xa temos as portas das aulas de infantil moi ben decoradas para festexar este día tan terroríiifico!!
A que nos quedaron bonitas!!

FACEMOS GALLETAS

Comezamos a primeira semana de outubro dun xeito mooi doce: facendo galletas. Pasámolo xenial facéndoas e quedáronnos riquísimas!!

GALLETAS by Slidely Slideshow

BENVIDOS AO COLE!!!

Esta semana foi moi especial para o grupo de nen@s de tres anos, xa que se incorporaron ao noso cole por primeira vez...

C.E.I..P CASTRELO DO VAL CASTRELO DO VAL de Slidely by Slidely Slideshow

PERIODO DE ADAPTACIÓN PARA ALUMNOS DE 3 ANOS

Mañá comeza un novo curso escolar que será o primeiro para o grupo de alumn@s de 3 anos, para que a súa adaptación ao cole se faga da mellor  forma posible, imos facela de xeito gradual, tal e como marca a lei, polo que a continuación tedes o horario que deben seguir durante os primeiros días os alumn@s de 3 anos:

LUNS 11	Presentación  e Reunión de pais/nais (os alumnos marcharán cos seus pais/nais ao rematar a reunión)
MARTES 12	De 9:00 a 10:00
MÉRCORES 13	De 9:00 a 10:30
XOVES 14	De 9:00 a 11:00
VENRES 15	De 9:00 a 11:00
LUNS 18	De 9:00 a 12:00
MARTES 19	De 9:00 a 12:00
MÉRCORES 20	De 9:00 a 13:15
XOVES 21	De 9:00 a 13:15
VENRES 22	De 9:00  a 13:15

A partir do luns 25 xa farán a xornada completa, é decir, de 9:00 a 14:15, será o primeiro día que fagan uso do comedor escolar.

Lembrade que a partir do mes de Outubro o horario será de 9:30 a 16:00

LIBROS DE INGLÉS

Hai uns pequenos cambios na lista de libros de inglés para infantil, en lugar de Playschool son Playtime, de forma que quedarían da seguinte forma:

• 3 ANOS

          Playtime Starter. Editorial Oxford.

• 4 ANOS

          Playtime A. Editorial Oxford.

• 5 ANOS

          Playtime B. Editorial Oxford.

FESTAS FIN DE CURSO!!

Os últimos días no cole foron moi divertidos, para rematar este curso o xoves tivemos a festa da espuma e inchables, coa colaboroción da ANPA, e o venres para remate final fixemos a festa da auga. Foron dous días xeniais!!

FESTA DA ESPUMA E INCHABLES

festa da espuma 2017 by Slidely Slideshow

FESTA DA AUGA

festa da auga by Slidely Slideshow

LIBROS DE TEXTO CURSO 2017- 2018

LIBROS EDUCACIÓN INFANTIL

C.E.I.P. CASTRELO DO VAL

CURSO 2017/2018

·        3 ANOS

-         Proxecto Sorrisos 3 anos. Editorial  S.M.

1º, 2º e 3º trimestre. (en galego)

-         Lectoescritura: La Galaxia de las letras. Ed. S.M.

Cuaderno Nº 1.

-         Inglés: Playschool  Starter. Editorial Oxford

·        4 ANOS

-         Proxecto Sorrisos 4 anos. Editorial  S.M.

1º, 2º e 3º trimestre. (en galego)

-         Lectoescritura: La Galaxia de las Letras. Ed. S.M.

Cuadernos Nº 2 y Nº 3.(versión pauta)

-         Inglés: Playschool  A . Editorial Oxford

·        5 ANOS

-         Proxecto Sorrisos  5 anos. Editorial  S.M.

1º, 2º e 3º trimestre. (en galego)

-         Lectoescritura: La Galaxia de las Letras. Ed. S.M.

ü Cuadernos  Nº4 , Nº5, Nº6.(versión pauta)

ü Libro de lectura  Nº 1.

-         Inglés: Playschool  B. Editorial Oxford

PARABÉNS AOS NOSOS GRADUADOS!!

Hoxe foi un día moi emotivo, de moitas emocións e sentimentos mesturados, orgullosos e felices por sabernos maiores e co deber cumprido de rematar infantil de forma brillante pero tamén un pouquiño tristes e melancólicos porque sabemos que en setembro todo será diferente. Seguro que a nova etapa que ides comezar será igual de fermosa que estes tres anos que tan bós recordos nos deixaron...

MOITA SORTE ESTHER!!

Ademáis de rematar unha bonita etapa, a nosa compañeira Esther pecha un ciclo moi importante na súa vida, despois de tres anos, hoxe foi o seu último día no noso cole, que sempre será tamén o seu. Botarémoste de menos Esther!!! Moita sorte pola capital!!!

despedida esther by Slidely Photo Gallery

PARABÉNS XIANA!!

Onte pasamos un divertido día porque ademais de ter inchables e festa da espuma, na clase de 3 anos Xiana cumpliu 4 anos!!!
Festexamos, os nen@s agasallárona con  debuxos, cantamos bonitas cancións e comemos moitas chuches.
Parabéns Xiana!!!

GRADUACIÓN INFANTIL 2017

Este curso que estamos rematando foi moi especial para un grupo de nenos que o ano que ven xa estarán en primaria e para que non esquezades nunca esta etapa...

BENVIDA AOS NENOS DE 3 ANOS NESTE CURSO

Rematamos o curso escolar, pero non podemos esquecernos de dar a benvida a este  "cole de maiores" aos nenos de 3 anos.
BENVID@S A ESTE QUERIDO COLE!!!!:  Xiana, Xabier, Luca, Luz, Irene e Sabela.

PARABÉNS BLANCA!!

Estamos chegando ao final e seguimos celebrando... Hoxe tocoulle á nosa compañeira Blanca, que cumpliu xa 6 anos...,festexamos con ela o seu último cumple en infantil.
PARABÉNS BLANCA!!

EXCURSIÓN LAGO DE SANABRIA

Este venres disfrutamos dun día de lecer, coñecemos o Lago de Sanabria, visitamos o "centro do Lobo Ibérico" no que vimos aos lobos en semiliberdade. E por último divértímonos moito viaxando no primeiro catamarán eólico -solar do mundo. Pasámolo xenial!!! Podedes consultar esta información nas seguintes ligazóns:
CENTRO DO LOBO IBÉRICO
CRUCEIRO AMBIENTAL LAGO DE SANABRIA

EXCURSIÓN SANABRIA XUÑO 2017 by Slidely Slideshow

PARABÉNS ESTHER!!

Hoxe festexamos con Esther o seu cumple, un moooi especial, posto que o ano que ven xa o festexará no cole de Madrid, aínda que un pedaciño dela quedará sempre en Castrelo.
PARABÉNS ESTHER!!

PANADEIROS !!!

Os nenos de catro anos están aprendendo a letra P, por iso a profe Mónica preparou un taller de cociña para facer Pan, por un día todos nos convertemos en panadeiros...
Moitas grazas á profe Eli por axudarnos coa masa
Pasámolo xenial e o pan saíunos riquísimo!!

facemos pan by Slidely Slideshow

PASEO DOS GRADUADOS!!

Hoxe comezamos o mes de xuño e para os alumnos da clase de 5 anos comeza tamén a conta atrás...

Durante este mes imos despedirnos de infantil e imos facelo como nós sabemos, desfrutando cada momento...

Hoxe decoramos o noso pasillo, ese que recorremos cada mañá para chegar a nosa clase e que o ano que ven xa non usaremos tanto.

Ó máis puro estilo Hollywood fixemos o noso propio paseo da fama...

PARABÉNS XABIER!!

Hoxe foi un día moi divertido porque noso amigo Xabier celebrou seu cuarto aniversario.
Xa ten 4 anos!! Por iso o festexamos por todo o alto.
Cantamos, bailamos, comemos lambonadas e agasallámolo con preciosos debuxos.
Parabéns Xabier!!!

RATIÑOS GARDADENTES

Os nenos da clase de 5 anos cada vez somos máis maiores, tanto que xa se nos están empezando a caer os dentes.
A moitas das nosas casas xa veu de visita o Ratiño Pérez, para deixarlle os nosos dentes fixemos estes ratiños gardadentes.
Quedáronnos chulísimos!!

LETRAS GALEGAS 2017

Como xa sabedes, este ano o día das Letras Galegas adicóuselle a Carlos Casares. Por iso no cole fixemos moitas actividades divertidas. Comezamos pintando un mural no que participamos todos. Descubrimos o conto "A Galiña Azul" de Carlos Casares, que nos encantou e fixemos uns bonitos debuxos e marcapáxinas. Para rematar, este martes, disfrutamos un montón coa Xincana Literaria sobre o autor.

DIA DAS LETRAS GALEGAS 2017 by Slidely Slideshow

PARABÉNS NOEL!!

Hoxe o REI da clase de 5 anos está de cumple,e como non podía ser doutra forma festexámolo con todos os honores. Parabéns Noel, as chicas querémoste moooitooo!!

cumple noel by Slidely Photo Gallery

AS NOSAS EIRUGUIÑAS DE VOLTA!!

Coma cada ano por esta época, tivemos uns visitantes moi especiais nas aulas, as nosas eiruguiñas. Este ano debido ás incidencias do tempo non pudemos conservar os ovos do ano pasado, pois sairon cos primeiros días de calor e aínda non tíñamos follas de moreira para alimentalas. Polo que pensabamos que xa non íamos ter eirugas, pero Marcos e Paula trouxéronnos unhas poucas do seu avó de Vilagarcía, a verdade é que cando chegaron xa eran mooi grandes e tardaron moi pouquiño en facer o casulo e agora xa temos bolboretas!!

GUSANOS DE SEDA by Slidely Slideshow

PARABÉNS MARCOS!

Hoxe, na aula de 3 e 4 anos de educación infantil, celebramos o cumple de Marcos que xa ten 5 anos!!!
E para celebralo cantamos cancións, comemos doces e lambetadas e despois todos os nenos agasallaron ao homenaxeado con fermosos debuxos.

PARABÉNS MARCOS!!!!!

FELICIDADES MAMIS!!

Hoxe é un día moi especial, é o día das mamás, esas persoas tan importantes sen as que nada tería sentido. No cole levamos varios días preparando un agasallo para decirlles o moito que as queremos, esperamos que a esta hora todas as mamás xa teñan aberto os seus regalos e que lles gustaran moito, seguro que a máis dunha se lle escapou unha bágoa de emoción... Agora que xa non é un segredo queremos ensinarlle a todo o mundo o bonitas que nos quedaron as nosas mochilas

Este  foi  o deseño dos nen@s de 3 e 4 anos

Este foi o deseño dos nen@s de 5 anos

Ademáis das mochilas decoradas fixemos unhas tarxetas moi emotivas para recordarlle ás nosas mamás que son o máis importante

Os nenos de 3 e 4 anos fixeron un ramo de flores coa súa man e utilizando as letras do nome das súas mamás escribironlle un montón de adxectivos  para describilas.

Os nenos de 5 anos agradecéronlle ás suas mamás todas as cousas que fan por eles cada día.

Para levar os agasallos decoramos unhas bolsas deste xeito tan orixinal

Agardamos que vos gustara moito, fixémolo con moitiiisimo amor, porque vos QUEREMOS MOITO MAMÁS!!

DIA DO LIBRO

Hoxe celébrase o día do libro, como é domingo, no noso cole festexámolo o venres.
Este ano fixemos unha actividade diferente e moi bonita. Fixemos marcapáxinas para intercambiar cos compañeiros do cole de Oímbra, cada clase fixo un modelo diferente, estes son os que fixemos nas dúas clases de infantil

Os nenos de 3 e 4 anos fixeron estes peixes

Os nenos de 5 anos fixeron estes coellos

O venres pola tarde xuntámonos na biblioteca co resto do cole  para recibir os marcapáxinas que nos enviaron os nenos de Oímbra

dia do libro by Slidely Photo Gallery

A nós encántaronnos os marcapáxinas dos nosos amigos de Oímbra, agardamos que a eles tamén lle gustaran os nosos. Moitas grazas profe María por acordarte de nós para esta actividade.

MANUALIDADES PASCUA

Estas son as manualidades coas que nos divertimos para celebrar a pascua @s nen@s de infantil.

TALLER DE COCIÑA DE PASCUA

Para irnos de vacacións con bo sabor de boca, onte os nen@s de infantil fixemos un taller de cociña. Entre todos fixemos un gran traballo en equipo, unha tarta de obleas con nutella en forma de coello de pascua, na que cada nen@ fixo unha capa, mirade con que boa pinta nos quedou e asegurámosvos que ademáis estaba riquísima!!
taller de cociña pascua by Slidely Slideshow

DÍA DA ÁRBORE

Para conmemorar o día da árbore, que cada ano se celebra o 21 de marzo, no cole de Castrelo, plantamos un castiñeiro no patio. Debido ao mal tempo que fixo ese día decidimos cambiar este acto para unha semaniña máis adiante.
dia da árbore by Slidely Photo Gallery

PORTA DE PRIMAVERA!!

Despois de moitos días traballando nela, hoxe por fin podemos ensinarvos a porta de primavera da clase de 5 anos.

A que nos quedou chulísima?? A nós encántanos... e vai ser a última vez que decoremos a porta da nosa clase de infantil... xa queda pouquiño para ir a primaria..

PARABÉNS LÚA!!

Este luns celebramos o aniversario de Lúa, que xa ten 5 anos!!
Disfrutamos moito cantando cancións, bailando e degustando  unha rica merenda porque na clase de 3 e 4 anos somos moi larpeiros...
E para finalizar todos os compañeiros lle deron como agasallo uns bonitos debuxos.
Parabéns Lúa!!

PLANETARIO MÓBIL!!

Durante todo o día de hoxe os nen@s do cole de Castrelo pudemos disfrutar do planetario móbil de eduCaixa, que instalamos no pavillón do concello.

Pola mañá foron os nen@s de 1º,2º,3º e 4º e xa pola tarde tocounos aos nen@s de infantil e aos de 5º e 6º.

Vimos a proxección do conto "A nena que sabía camiñar ao revés"

Encantóunos!!!Foi unha experiencia inolvidable!!

FELICIDADES A TODOS OS PAPÁS!!

Para celebrar o día do pai, traballamos moito e fixémolo con todo o amor que se merecen os nosos papás, porque eles son os nosos verdadeiros superheroes.
A esta hora seguro que todos xa abristes as vosas bolsas

Quedaron moooi bonitas

.... e o que ía dentro tamén...

 MOITÍSIMAS FELICIDADES A TODOS OS PAPÁS!!

ANIMACIÓN Á LECTURA. CONTACONTOS: "O COCIÑEIRO MARTIÑO"

O 13 de marzo os almn@s de infantil e de 1º e 2º ciclo de primaria, recibiron a visita de Iago López, para contarlles unha divertida historia que acontece no palacio real.alí precisan atopar ao mellor cociñeiropara poder deleitar con exquisitos platos á realeza.
E así aparece Martiño, o noso cociñeiro preferido, que debe preparar un delicioso biscoito!
E para iso conta cuns axudantes de excepción...OS ALUMN@S DO NOSO COLE!!!!

CONTACONTOS "O COCIÑEIRO MARTIÑO" PARA ALUMNOS DE INFANTIL E DE 1º E 2º CICLO DE PRIMARIA by Slidely Slideshow

XORNADA DE PORTAS ABERTAS!!

O vindeiro mércores 15 de marzo, a partir das 11,  temos xornada de portas abertas para  que o alumnado que se escolarice o vindeiro curso poda vir ver como nos divertimos no noso cole!!